Áfram Fram!

Ég er Framari í knattspyrnu, KR-ingur í körfunni og Akureyringur í handboltanum. Einfalt.

 En þetta er ofboðslega sorglegt hjá viðkomandi fréttamanni, hreinlega ömurlegt, og skammist hann sín fyrir það:

"Í Kaplakrika taka svo Íslandsmeistararnir á móti Fram í leik þar sem FH fer vonandi að sýna sitt rétta andlit."

Beisikalí, þá hefði hann getað sagt: Hey, vonandi tapa Framarar.

Spurning samt: Af hverju mega Framarar ekki vonandi sýna sitt rétta andlit?

Falldraugurinn kvaddur?

Athugasemdir

[Sigurdur V.Gudjonsson (IP-tala skráð) 3.7.2013 kl. 13:46]

Vonandi sýna leikmenn beggja liða auk dómara sín réttu andlit.Það hæfir ekki fréttamanni að sýna hlutdrægni í starfi.Öll höfum við okkar félög sem okkur eru kærari en önnur og á því þrífast félögin sem aftur leiðir til þess að hægt er að halda uppi keppni milli allra þessara liða.Þó við getum sum verið ánægð með stöðu okkar liða hverju sinni er gott að hafa í huga að við eigum frændur og vini sem oft halda mikið upp á önnur félög en við.Best er því að horfa á það jákvæða hjá öllum og særa sem fæsta.